Policia franceze ka arrestuar nëntë shqiptarë, ku ndaj tyre rëndon akuza e vjedhjes.
Mediat franceze raportojnë se shtetasit shqiptarë, identiteti i të cilëve nuk bëhet me dije, akuzohen për të paktën 70 vjedhje.
Policia ka sekuestruar qindra objekte, bizhuteri, makina si dhe disa armë. Shqiptarët e arrestuar ishin vënë në mbikëqyrje të paktën për një javë me radhë, ndërsa për kapjen e tyre janë angazhuar mbi 130 policë.
Gjithashtu hetimet vijojnë intensivisht për zbardhjen e plotë të rasteve të vjedhjeve. Të arrestuarit pritet të dalin para trupës gjykuese për t’u njohur me masën e sigurisë.
