Greku i akuzuar si vrasës me pagesë, vijon të mohojë në gjyq që të jetë ai autor i ekzekutimit të Devi Kasmit, më 29 janar 2018.
Ai është shfaqur i veshur sportiv në seancën e sotme gjyqësore, por teksa ka mohuar këtë akuzë të ngritur ndaj tij, ka hedhur një akuzë ndaj grupit të efektivëve që bëjnë shoqërimin e të pandehurve nga qelia për në gjykatë.
Duke nxjerrë duart nga kafazi i të pandehurit, Efthimios Efthimiu, ka thënë se policët i kanë shtrënguar prangat më shumë seç duhet duke i shkaktuar dëmtime në kyçet e duarve.
Greku akuzohet si ekzekutor, ndërsa grupin që porositi vrasjen dyshohet se e drejtonte Aurel Hoxhallari.
