Ditën e sotme, në Zakynthos, Greqi, një 55-vjeçare shqiptare ka humbur jetën, ku teksa po dërgonte fëmijën e saj të mitur në shkollë është përplasur për vdekje nga një automjet që po lëvizte me shpejtësi të lartë.
Mësohet se djali është në gjendje të mirë fizike (nuk ka pësuar lëndime), por i tronditur nga skena e humbjes së jetës së të ëmës, arsye përse ndodhet nën kujdesin e stafit mjekësor.
Mediat greke bëjnë me dijeni se mjeti po drejtohej nga një shtetase greke 30-vjeçare, e cila në momentin e përplasjes është larguar me shpejtësi, për t’u arrestuar pak minuta më vonë.
