Haradinaj në darkë me disa bashkatdhetarë në Zvicër - Bota Sot
Haradinaj në darkë me disa bashkatdhetarë në Zvicër

Diaspora

Haradinaj në darkë me disa bashkatdhetarë në Zvicër

Më: 11 janar 2020 Në ora: 21:56
Pamje nga darka

Kryeministri në detyrë, Ramush Haradinaj, ka darkuar së bashku me disa nga bashkatdhetarët në Zvicër.

Ai tha se ishte kënaqësi për të të dëgjojë storiet e suksesit të tyre, por edhe vështirësitë me të cilat përballen.

“I nderuar të marrë pjesë në darkën e nikoqirëve Pashk Mërturi e Pren Kqira, në mesin edhe të shumë bashkatdhetarëve, shqiptarë patriotë e të suksesshëm në Zvicër. Pata kënaqësinë që nga ta të dëgjoja storiet e suksesit, punën që bëjnë atje, sfidat dhe vështirësitë përgjatë rrugëtimit të tyre por edhe për dashurinë ndaj shqiptarëve gjithandej”, ka shkruar Haradinaj në Facebook.

“Bashkatdhetarët tanë janë vlerë e çmuar për ne, dhe u jemi përherë mirënjohës për gjithë kontributin që kanë dhënë për atdheun e tyre. Për këtë, të gjithë bashkatdhetarët me të cilët darkuam bashkërisht, i ftova që të vijnë dhe të investojnë në vendin e tyre, t’i japin edhe më shumë hov zhvillimit ekonomik dhe ta forcojnë edhe më tej marrëdhënien që kemi ndërtuar për kaq shumë vite”.

Shfaq komentet
comments powered by Disqus
Sot mund të lexoni Shfletoni kopertinat