Në bazë të vendimit të Kryesisë Qendrore të Lobit Euro-Atlantik Shqiptar, të marrë më datë 2-11-2019për mbedhjen e Asamblesë së Jashtëzakonshme, më datë 8-Shkurt-2020, në Athinë- Greqi, u zhvilluan punimet e kësaj Asambleje me përfaqësinë e delegatëve të degëve Norvegji, Zvicër, Itali, Angli, Greqi dhe Gjermani (me votë të deleguar).
Punimet e Asamblesë u përshëndetën nga Kryetari i Komunës së Ulqinit, Z. Loro Nrekiq i cili udhëtoi enkas për të qënë prezent në këtë Asamble, nga Kryetari i Unionit të Shoqatave Shqiptare në Greqi, z. Adrian Daullja dhe nga i ftuari Z. Skënderbeg Klaiqi, kryetar i Lobit Shqiptar, Z. Petrit Selmani, nënkryetar i LEASH-dega Greqi.
Sipas rendit të ditës së Asamblesë, pasi u zgjodh kryesia e punës dhe proçesmbajtësi, u mbajt raporti i aktivitetit të LEASH nga Kryetari i Komisionit Zgjedhor, Z. Daut Haxhaj e u diskutua për ndryshimet e plotësimet në Statutin e Organizatës duke i aprovuar ato unanimisht me votim të hapur si dhe u aprovua vendimi i Kryesisë Qendrore, i marrë më datë 17-10-2019, për shkarkimin e ish Kryetarit të Lobit Euro-Atlantik Shqiptar, z. Shukri Ymeri.
Pika e dytë e rendit ishin zgjedhjet për emërtimin e Organizatës dhe për Këshillin e Përgjithshëm.
Fillimisht u propozua e votua me votim të hapur që Komisioni i Votimit të përbëhet nga:
z. Lin Tota (kryetar)
zj. Miranda Dervishi (anëtare)
zj. Lefteri Metkaj (anëtare)
Pas votimit të fshehtë dhe numërimit të votave u vendos që emërtimi të mbetet po ai, pra “Lobi Euro-Atlantik Shqiptar”.
Në garën e anëtarëve të Këshillit të Përgjithshëm morën pjesë dhjetë kandidatë të propozuar nga degët prej të cilëve u zgjodhën shtatë anëtarë me shumicë votash:
Zj. Brikena Qama (Greqi)
Z. Daut Haxhaj (Norvegji)
Z. Sutki Hulaj (Zvicër)
Z. Adrian Hoti (Norvegji)
Z. Petrit Selmani (Greqi)
Zj. Yllka Alidema (Angli)
Z. Elias Mustafaj (Zvicër)
Këshilli i Përgjithshëm vendosi ndarjen e përgjegjësivesi më poshtë:
Zj. Brikena Qama (Kryetare)
Z. Daut Haxhaj (Nënkryetar)
Z. Adrian Hoti (Sekretar)
Z. Sutki Hulaj (Zëdhënës Shtypi)
Z. Petrit Selmani (Financat)
Zj. Yllka Alidema (Anëtare)
Z. Elias Mustafaj (Anëtar)
Procesi i votimit përfundoi me votimin e hapur të Komisionit të Kontroll-Revizionit, të përbërë nga:
Z. Petrit Aliaj (Itali)
z. Etmond Guri (Greqi)
Gjithë deklaratat, përshëndetjet, materiali zgjedhor (fletë-votime, proces-verbale) u protokolluan nga protokolluesja, Zj. Majlinda Rrokaj.
Axhenda e Asamblesë së Jashtëzakonshme u mbyll me një mbrëmje festive në prag të kremtimit të ditës së Pavarësisë së Kosovës, e cila u sponsorizua nga Ministria e Diasporës së Kosovës. Në këtë kremtim na nderoi me pjesmarrjen e tij z. Fitim Gllareva nga zyra Tregëtare e Kosovës në Athinë.
Duke falenderuar te ftuarit, delegatët e duke përgëzuar punën e mirë të Degës Greqi për mbarëvajtjen e Asamblesë, i urojmë Kryesisë së re, punë të mbarë dhe Lobit Euro-Atlantik Shqiptar vazhdimësi e arritje të synimeve të tij.
Për Këshillin e Përgjithshëm
Zëdhënësi i Shtypit
Sutki Hulaj