Shqiptari grabit gruan e tij me thikë në fyt, ja ku ndodhi ngjarja - Bota Sot
Shqiptari grabit gruan e tij me thikë në fyt, ja ku ndodhi ngjarja

Diaspora

Shqiptari grabit gruan e tij me thikë në fyt, ja ku ndodhi ngjarja

Më: 27 qershor 2020 Në ora: 16:19
Foto ilustrim

Një shqiptar 33-vjeçar, rezident në provincën e Milanos, është arrestuar mbrëmë nga policia për rrëmbimin e gruas së tij.

Gruaja, në proces ndarjeje nga i shoqi, prej disa ditësh ishte transferuar bashkë me dy fëmijët e vegjël në Genova, me synimin për të nisur një jetë të re atje.

Mbrëmë burri, që edhe më parë e kishte sulmuar dhe kërcënuar gruan, shkoi dhe e kapi në befasi teksa ajo dilte nga një lokal. E frikësuar, gruaja vrapo drejt makinës për t’u larguar, por ai e kapi për flokësh dhe i vuri thikën në fyt.

Gruaja gjeti forca të nxirrte celularin e të telefononte numrin 112, duke bërë që burri të ikte me vrap, por duke i marrë më parë portofolin dhe çelësat e  makinës.

Policët e mbërritur me shpejtësi në vendngjarje morën në mbrojtje gruan dhe ndaluan burrin, i cili po largohej me makinën e saj.

Në makinë iu gjetën dy thika dhe portofoli i sapovjedhur. Tani ai gjendet në burgun e Marassit, në pritje të akuzave të rënda.

Shfaq komentet
comments powered by Disqus
Sot mund të lexoni Shfletoni kopertinat