I shkoi policia në shtëpi për ti njoftuar arrestin shtëpiak por gjatë kontrollit të banesës i gjejnë në bodrum plot 6,5 kg heroinë.
Kjo ka ndodhur me një 43-vjeçar shqiptar në qytetin e Troviglios në Itali, i njohur për shpërndarjen e lëndëve narkotike, raportojnë mediat italiane, përcjell OraNews.
Ky i fundit ka qenë pjesë e një operacioni anti-drogë të Skuadrës Lëvizësese të Milanos në fillim të këtij viti ku u arrestua me disa shqiptarë të tjerë për trafik dhe shpërndarje lëndësh narkotike por që më pas u lirua nga gjykata me masën “arrest shtëpie”.
Pikërisht për të kontrolluar respektimin e kësaj mase, policia i shkoi në banesë ku gjeti edhe lëndën narkotike.
Ndërkohë, identiteti i shqiptarit të arrestuar nuk është bërë ende i ditur.
