Pamje të rënda/ Momenti kur u ekzekutua ish-bankieri italian nga vëllezërit shqiptarë

Diaspora

Pamje të rënda/ Momenti kur u ekzekutua ish-bankieri italian nga vëllezërit shqiptarë

Më: 18 korrik 2021 Në ora: 08:49
Foto ilustrim

Zbulohen të tjera detaje pas ekzekutimit të ish-bankierit italian, 69-vjeçarit Giovanni Caramuscio, nga dy vëllezërit shqiptarë. Ngjarja ka ndodhur mbrëmjen e kaluar, në qytetin e Lecces, ku ish-bankieri është qëlluar për vdekje, teksa ka qenë duke tërhequr para në një bankomat, së bashku me bashkëshorten e tij.

Mediet fqinje kanë publikuar pamje të rënda nga vendngjarja, ku shihet momenti kur ish-bankieri është në bankomat, duke tërhequr paratë, ndërsa më pas shihet një pellg gjaku dhe maskat anti-Covid, që kanë përdorur autorët.

Deri më tani, policia ka arrestuar dy vëllezër shqiptarë, ku mbi 69-vjeçarin dyshohet se ka qëlluar Paulin Mecaj.

Sipas hetuesve, ai qëlloi me një pistoletë Beretta kalibër 9, e njëjta armë që u gjet brenda shtëpisë së Paulin nga policia e njësisë hetimore të komandës provinciale të Leçes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat