Me kamion drejt Anglisë, përfundon ëndrra për familjen shqiptare, i zbulon qeni në Holandë

Diaspora

Me kamion drejt Anglisë, përfundon ëndrra për familjen shqiptare, i zbulon qeni në Holandë

Më: 11 gusht 2022 Në ora: 19:05
Ilustrim

Një familje nga Shqipëria e cila ishte nisur në mënyrë ilegale drejt Anglisë nuk ka arritur ta realizojë ëndërrën e saj.

Ata u kapën në trailerin e një kamioni mbrëmjen e djeshme ( 10 gusht 2022) në Hoek van Holland.

Sakaq autoritetet policore në Mbretërinë e Holandës Marechaussee arrestuan shoferin e kamionit një 32-vjeçar nga Polonia për kontrabandë njerëzish. 

Në kërkim të një jete më të mirë, emigranti 30-vjeçar vdes gjatë rrugës, kontrabandistët i lënë trupin e pajetë afër kufirit të Shqipërisë

Gjatë kontrollit të daljes, qeni i migracionit Marechaussee trokiti në rimorkio. Kur u hap, rezultoi se dy burra dhe një grua ishin fshehur aty. Në një batanije ishte edhe një vajzë 4-vjeçare.

Aktualisht emigrantët shqiptarë janë ndaluar nga zyrat e emigracionit ku po ju nënshtrohen rregullave të vendit në fjalë. Lajmi u raportua nga wos.nl ku bën me dije se Marechaussee është duke hetuar më tej rastin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat