I riu shqiptar rreh brutalisht partneren e tij në Greqi, gjykata e lë pas hekurave!

Diaspora

I riu shqiptar rreh brutalisht partneren e tij në Greqi, gjykata e lë pas hekurave!

Më: 14 gusht 2022 Në ora: 10:15
Foto ilustrim

Një 27-vjeçar shqiptar është arrestuar nga policia greke pasi ka dhunuar brutalisht në banesë bashkëjetuesen e tij 24-vjeçare.

Mediat bëjnë me dije se gjykata ka vendosur ta lërë në burg të riun shqiptar për 25 muajt në vijim me akuzat e lëndimit trupor, kanosjes dhe dhunës në familje.

Ai u vu në pranga mbrëmjen e të mërkurës në banesën që kishte marrë me qira në rrugën Selinou. Ishte fqinji i tij ai që njoftoi policinë pasi kuptoi se të resë i rrezikohej jeta.

Fillimisht ai kishte nguruar të trokiste në derën e çiftit por më pas i kishte thirrur disa herë ata teksa ishte përballur me kërcënimet e ashpra nga ana e të riut shqiptar.

Tashmë për 27-vjeçarin do të nisë edhe procedura e dëbimit nga shteti grek, ndërsa partneres së tij i lind e drejta të kërkojë leje qëndrimi. Megjithatë ajo vetë ka kërkuar të kthehet pranë familjes së saj në Shqipëri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat