Këto janë fotot e 14 anëtarëve të bandës së Ekos që kryenin grabitje dhe trafikim droge në rezidencat studentore të Universitetit Politeknik në Zografou në Greqi.
Banda u zbuluan pas një operacioni të policisë më 27 shtator ku një oficere greke u sulmua me thikë nga koka e grupit, shqiptari me pseudonimin Ekos.
Ky i fundit u plagos me armë nga policia greke, e cila e qëlloi për tu vetëmbrojtur nga sulmi i tij.
Emrat e 10 shqiptarëve:
-Rushit Ramazani, 27-vjeç
-Marko Qafa, 25-vjeç
-Sigi Rustemaj, 28-vjeç
-Ermir Meta, 31-vjeç
-Veli Qose, 25-vjeç
-Vasil Suloti, 33-vjeç
-Ermin Ferhati, 27-vjeç
-Vasil Vasili 30-vjeç
-Greant Kalanderi, 33 vjeç
-Jurxhino Dura, 28 vjeç
Mes tyre ishin edhe 4 shtetas grekë.
Pas operacionit të madh, u arrestuan 32 anëtarë të këtyre bandave, mes të cilëve edhe drejtues të tyre.
Këto banda kryen gjithsej 29 grabitje dhe një pjesë e tyre jetonin në konviktet e studentëve në Universitetin Politeknik Zografou .
Konkretisht, banda e parë përbëhej nga 9 anëtarë dhe ishte përfshirë në 80 raste të trafikut të drogës. Banda e dytë listonte 24 anëtarë dhe kishte kryer 27 grabitje ndërsa banda e tretë kishte 18 anëtarë, ndërsa policia ende kërkon pesë persona të paidentifikuar.
E para nga tre bandat përdori rezidencat studentore për të planifikuar goditjet e tyre dhe për të shpërndarë lëndën narkotike.
Banda kishte zhvilluar madje një sistem kontrolli për hyrjen e personave në zonën e kampusit me njerëz të armatosur që kryenin kontroll ndaj të panjohurve ose të dyshimtëve, të cilëve nuk hezitonin t’u tregonin armët.
