Dy të rinj shqiptarë kanë dalë para gjykatës britanike, pasi u kapën në një “shtëpi bari”.
Mediat britanike bëjnë me dije se të arrestuarit janë Landi Ruçi, 32 vjeç dhe Elidon Hodaj, 27 vjeç, të cilët akuzohen për prodhimin e drogës në Bangor.
Magjistratët e Llandudno-s dërguan çështjet e tyre në Gjykatën e Kurorës. Të pandehurit, të dy pa adresë fikse, folën vetëm për të konfirmuar detajet e tyre përmes një përkthyesi shqip gjatë seancës së shkurtër të pasdites së djeshme.
Ata akuzohen për prodhimin e një sasie të madhe kanabisi, një drogë e kontrolluar e klasit B, në Bangor. Prokurori kërkoi ‘arrest me burg’ për Ruçin dhe Hodajn, ndërsa shtoi se nuk kishte asnjë kërkesë për lirimin e tyre me kusht.
