Shqiptari humb testikujt nga dhuna e pronarit, Gjykata në Kanada e dëmshpërblen 300 mijë dollarë

Diaspora

Shqiptari humb testikujt nga dhuna e pronarit, Gjykata në Kanada e dëmshpërblen 300 mijë dollarë

Më: 4 shkurt 2023 Në ora: 10:31
Pronari i shqiptarit e ka goditur këtë të fundit në testikuj dhe për pasojë ai i ka humbur ato.

Gjykata e Lartë e Drejtësisë në Ontario, Kanada, ka dëmshpërblyer me 300 mijë dollarë një shtetas shqiptar, pasi ishte keqtrajtuar nga punëdhënësi i tij. Mediat e huaja sqarojnë se pronari i shqiptarit e ka goditur këtë të fundit në testikuj dhe për pasojë ai i ka humbur ato.

Shqiptari Rezart Osmani pretendoi se mbikëqyrësi Ludgero De-Almeida dhe punëdhënësi abuzuan me të duke e poshtëruar dhe nënshtruar në mënyrë të turpshme para syve të kolegëve.

Ky keqtrajtim përfshinte gjuhë nënçmuese dhe diskriminuese, fyerje, kërcënime në lidhje me statusin e tij të emigracionit dhe abuzim fizik.

Avokatja e Osmanit, Filomena Kandola, përmes një emaili ka thënë se çështja ende nuk është mbyllur, pasi ka mbetur për t’u sqaruar se kush do i paguajë shpenzimet e gjyqit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat