“Një bos shqiptar që ‘përmbyti’ Britaninë e Madhe me drogë për mafian shqiptare po lufton të qëndrojë në Mbretërinë e Bashkuar në mënyrë që familja e tij të gëzojë një kujdes më të mirë shëndetësor”, kështu shkruan The Sun, për Toni Boboshin, i cili kontrollonte një rrjet të trafikut të drogës.
Rreth 30 persona ishin të punësuar dhe Boboshi, 49 vjeç, përdorte shqiptarët për të pastruar të ardhurat përmes llogarive të tyre bankare në Mbretërinë e Bashkuar.
Ai u dënua me gjashtë vjet në 2018, por u lirua nga burgu pas 30 muajsh.
Sekretarja e Brendshme Suella Braverman dëshiron ta dëbojë atë, por ai ka nisur një betejë ligjore për të qëndruar.
Ai pretendon se do të ishte “përçarës” për djalin e tij autik, një shtetas britanik. Shërbimi i Provës vlerëson se Boboshi konsiderohet si një “rrezik i ulët” për të përsëritur veprën penale.
Gjyqtari i apelit do ta japë vendimin e tij në një datë të mëvonshme.
Perandoria e Boboshit shtrihej në të gjithë veriperëndimin e Britanise, Yorkshire dhe Wiltshire.
