Diaspora kërkon t'i ketë deputetët në Kuvend

Diaspora

Diaspora kërkon t'i ketë deputetët në Kuvend

Më: 25 mars 2017 Në ora: 10:01
Shukrije Ramadani – u.d. drejtore e Qendrës Kulturore për Diasporë e Mërgatë- Zvicër

Daspora e ka të drejtën për vendosje, ka të drejtën të ketë deputetët e saj në Kuvendin e Republikës së Kosovës, kështu ka deklaruar Shukrije Ramadani – u.d. drejtore e Qendrës Kulturore për Diasporë e Mërgatë- Zvicër.

Ramadani, ka theksuar se Diaspora ashtu  siç e pati të drejtën të vijë në luftë dhe të luftonte për çlirimin e vendit, e ka të drejtën të ketë deputetët e saj. 

“Nëse e paska të drejtën të jap 70 dëshmorë në një vend, pse nuk e ka të drejtën për të pasur deputetët në saj. Përderisa komunitetet tjera që kanë vetëm 5 për qind, kanë deputetët, kurse ne që jemi më shumë se gjysma jashtë atdheut, pse nuk e kemi të drejtën të kemi deputetë në institucionin më të lartë të vendit”, ka deklaruar Ramadani.

Për këtë çështje ajo ka thënë se diaspora ka ngritë zërin në çdo takim, e aktivitet, e po edhe në Kosovë me ministrinë e diasporës Valon Murati.

“Ministri Murati ka një vullnet të mirë që të ndihmojë në shumë shtigje, jo vetëm për këtë çështje. Megjithatë, ekziston frika që në momentin kur fillojnë ndryshimet Kushtetuese, atëherë lindin edhe shumë pyetje tjera, dhe kjo është ndoshta ajo frika që i bënë, ta bëjnë hapin e parë”, ka shtuar ajo.

Kohë më parë,ministri Murati pati deklaruar për Kosovainfo se krijimi i vendeve të rezervuara (mendoj se ky numër do të duhej të ishte 5 vende) do të ishte zgjidhja më e mirë për përfaqësimin e diasporës sonë në institucionet e vendit.

“Andaj vendet e rezervuara për diasporën duhet të jetë një projekt i së ardhmes, por i cili vështirë se do të implementohet në këto momente”, pati thënë ministri Murati.

Përndryshe, për këtë çështje kërkohen ndryshimet Kushtetuese, për çka nevojiten jo vetëm 2/3 e tërë deputetëve të kuvendit, por edhe 2/3 e deputetëve të komuniteteve pakicë.

Sot mund të lexoni Shfletoni kopertinat