Pak orë pasi shqiptari nga Shkodra, Florenc Beqiraj humbi jetën në burgun e Marsejës, gazetari Leon Molla tregon fjalët e fundit të babait.
“Leon ma vranë djalin !!!
Këto ishin fjalët e babait të Florencit, Gëzim Beqiraj që më tha në telefon pak mituta që doktorrët Francez i hoqën oksigjenin.
Nuk po e besoja dhe menjëherë i drejtova pyetjen:
Gëzim çfarë thua? Firmosët Ju që ti hiqnin oksigjenin?
Ai i përlotur më thotë: Jo Leon Jo, nuk më pyetën, doktorrët ja hoqën oksigjenin pa më pyetur, ma vranë djalin, ma vranë.
Në këto momente mbeta pa fjalë, nuk dija çfarë ti thoja.
Gëzimi vijoi duke më thënë: Mbarova, më vranë djalin tim të vetëm, nuk mund të flas, nuk di çfarë të flas, më vranë djalin Leon, o Zot, o Zot.
Me këto fjalë mbylli telefonin.
Kurrë nuk do ta harroi, kurrë, kurrë, kurrë.
Shpirti i Florencit pushoftë në Paqe”, shkruan gazetari.
Mbrëmjen e sotme ndërroi jetë i riu shqiptar, Florenc Beqiraj, i cili dyshohet se është dhunuar në burgun e Marsejës.
Prej disa ditësh 23-vjeçari mbahej gjallë vetëm përmes aparaturave, ndërsa prej ditës së djeshme pranë i ndodhej edhe i ati.
Beqiraj prej dy vitesh ishte në Francë ndërsa kohët e fundit ishte burgosur nga policia pasi ai ishte pa dokumente.
Policia franceze bën me dije se ai ka tentuar vetëvrasjen në burg pasi ka shenja teli në fyt.
Ndërsa familjarët mendojnë se ai është dhunuar nga policia ose nga të burgosurit e tjerë në qeli.
Mjekët i kanë hequr aparaturat pa lejen e prindërve.
