Burgoset 'kopshtari' shqiptar i drogës në Britani, gjykatësi i jep një mesazh ngushëllues - Bota Sot
Burgoset 'kopshtari' shqiptar i drogës në Britani, gjykatësi i jep një mesazh ngushëllues

Diaspora

E enjte, 18 tetor 2018

Burgoset 'kopshtari' shqiptar i drogës në Britani, gjykatësi i jep një mesazh ngushëllues

Më: 3 tetor 2018 Në ora: 06:56
Kanabis

Një kopshtar me origjinë shqiptare i "i ngarkuar për kujdesin e një ferme kanabisi në Chester është burgosur për nëntë muaj.

Erjon Manari, 27 vjeç, u deklarua fajtor për prodhimin e një droge të klasit B, por zinxhiri i prodhimit ishte nga persona të tjerë më lart.

Oficerët e policisë kryen një bastisje në pronën ku jetonte i riu shqiptar më 19 korrik të këtij viti.

Ai u arrestua nga policia, duke deklaruar një emër të rremë si Andrij Nemcov.

Gjykata e Chester dëgjoi dje (të hënën, 1 tetor) se një korrje e vetme mund të prodhonte midis 6 dhe 18 kg kanabis me një vlerë në rrugë prej "shumë mijëra paundësh".

Operacioni u përshkrua si "i sofistikuar", ndërsa furnizimi me energji elektrike ishte bërë në atë mënyrë që kompania të mos e kuptonte që po shpenzohej aq shumë.

Gjykatësi Simon Berkson pranoi se roli i Manarit ishte i kufizuar, por tha se ky dënim ishte i përshtatshëm.

"Koha e shkurtër e kaluar në këtë vend është kthyer në një fatkeqësi për ju", i tha ai të pandehurit.

Manari do të kalojë gjysmën e dënimit të tij në paraburgim dhe gjysmën tjetër në liri me kusht.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test