Me rastin e festës kombëtare të 28 Nëntorit familje shqiptare në qytetin e Aucklandit u mblodhën së bashku në parkun e qytetit One tree Hill për të festuar.
Në ambientin e mrekullueshëm plotë me drurë gjigant, shtigjesh për ecje, lulesh e hapësirë të gjelbër pafund kaluan krejt pasdreken pranë sofrës së improvizuar me gatime të kuzhinës shqiptare, pije, ëmbëlsira e fruta pemësh. Nëpër mot të bukur hijen e kurorës së lisit qindvjeçar u kënaqen së llafosuri për hallet e kurbetit, rëndësinë e festës, arritjet e ngecjet në tokën e origjinës. Bënë fotografi, kujtuan ardhjet e mallin për vendlindjen.
Atmosfera festive dhe natyra e bleruar lumturoi fëmijët gjatë gjithë kohës. Flamuri ynë dyngjyrësh; kuq e zi tërhoqi vëmendjen e njerëzve që kalonin aty afër nesh.
