Nju Jork, u mbajt Dëgjim Publik rreth Ligjit për Diasporën - Bota Sot
Nju Jork, u mbajt Dëgjim Publik rreth Ligjit për Diasporën

Diaspora

Nju Jork, u mbajt Dëgjim Publik rreth Ligjit për Diasporën

Nga: Beqir Sina Më: 5 dhjetor 2018 Në ora: 14:17
Dëgjim Publik rreth Ligjit për Diasporën

Me kërkesë të përfaqësuesve të Ministrisë së Diasporës dhe Investimeve Strategjike, në ambientet e Konsullatës së Përgjithshme të Republikës së Kosovës në Nju Jork, të shtunën e kaluar, më 1 dhjetor, është mbajtur Dëgjim Publik me përfaqësues të Diasporës, shkruan në statusin e saj në rrjetin social Facebook -uebsajti i kesaj Konsullate ne Nju Jork.

Në njoftim thuhet se dëgjimi Publik kishte të bënte me një Projektligj për Diasporën, i cili tashmë është hartuar nga Grupi Punues, dhe u realizua në vazhdën e një sërë vizitash të përfaqësuesve të Ministrisë së Diasporës, deputetëve të Kuvendit të Kosovës dhe përfaqësuesve të Zyrës Ligjore të Kryeministrit nëpër vendet e ndryshme të botës-aty ku Diaspora jonë është më e përqendruar .

Krahas diplomatëve të Konsullatës së Përgjithshme të Republikës së Kosovës në Nju Jork, nga Ministria e Diasporës dhe Investimeve Strategjike ishte z. Lorik Pustina-udhëheqës i Komunikimit, ndërkaq nga Kuvendi i Kosovës prezentë ishin deputetet: znj. Time Kadrijaj, znj. Fitore Pacolli dhe znj. Doruntinë Maloku. Përpos këtyre, prezentë ishin edhe z. Mentor Borovci-shef i Zyrës Ligjore në Zyrën e Kryeministrit të Kosovës, dhe z. Arben Krasniqi-shef i Sekretariatit Koordinues të Qeverisë (Zyra e Kryeministrit).

Në këtë Dëgjim Publik në të cilin u diskutua për një sërë çështjesh me rëndësi për Diasporën tonë në Amerikë, morën pjesë veprimtar dhe disa lider të komunitetit, përfshirë  edhe kryetarin e Shoqates Atlantiku, së bashku me disa anëtarët e kësaj Shoqate të cilët kan shfaqur sugjerimet, këshillat dhe vërejtjet në lidhje me Ligjin e ri për Diasporën, simbas njoftimit të Konsullatës së Përgjithshme të Republikës së Kosovës në Nju Jork.

Në fund të këtij njoftimi shoqëruar edhe me fotografitë e takimit thuhet se përfaqësuesit e delegacionit nga Kosova u zotuan se sugjerimet, këshillat dhe vërejtjet në lidhje me Ligjin e ri për Diasporën do të shqyrtohen me kujdes dhe do të merren parasysh, gjithnjë në të mirë të Diasporës.

Image
Image

 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...