Durrës e Vlorë, moti i keq sjell vonesa në mbërritjen e trageteve nga Italia - Bota Sot
Durrës e Vlorë, moti i keq sjell vonesa në mbërritjen e trageteve nga Italia

Durrësi

Durrës e Vlorë, moti i keq sjell vonesa në mbërritjen e trageteve nga Italia

Më: 4 janar 2019 Në ora: 14:22
Ilustrim

Moti i keq ka shkaktuar vonesa të theksuara në mbërritjen e trageteve nga portet italiane në atë të Durrësit.

Siç raportohet deri më tani, dy tragete janë nisur me vonesë nga porti i Barit, në fqinjin e përtej Adriatikut. Ata pritej të mbërrinin rreth orës 8 të mëngjesit të kësaj të premteje, por për shkak të motit të keq, njëri pritet të mbërrijë rreth orës 12:30, ndërsa tjetri nga pasditja, rreth orës 17.

Një tjetër traget, ai i nisur nga Ankona në Itali, ka mbërritur gjithashtu me një orë vonesë në terminalin e Durrësit paraditen e sotme.

Edhe pse moti duket se nuk i favorizon lundrimet, deri përpara mesnatës priten të mbërrijnë edhe dy tragete të tjera nga Bari, transmeton tch. E njëjta situatë raportohet edhe nga Porti i Vlorës, ku trageti i nisur nga Brindisi nuk ka mbërritur ende, edhe pse duhej të kishte ardhur rreth orës 7:30 të mëngjesit.

Trageti i linjës Brindisi-Vlorë, i nisur me vonesë për shkak të motit të përkeqësuar dhe detit të dallgëzuar, pritet të mbërrijë në portin jugor rreth orës 14. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...