Vodhën dy biznese dhe një makine, arrestohen autorët në Durrës - Bota Sot
Vodhën dy biznese dhe një makine, arrestohen autorët në Durrës

Durrësi

Vodhën dy biznese dhe një makine, arrestohen autorët në Durrës

Më: 20 janar 2019 Në ora: 11:30
Foto ilustrim

Tre persona janë arrestuar gjatë në flagrancë gjatë ditës së sotme pasi janë dyshohen për vjedhjen e një makine dhe dy bizneseve në Durrës.

Sipas policisë personat me iniciale J.P, E.P dhe Q.R kanë vjedhur paratë nga një bulmetore e më pas nga një dyqan mishi. 

Gjithashtu Q.R. dyshohet se ka vjedhur një mjet tip Benz ku në cilësinë e provës materiale u sekuestrua mjeti, në momentin kur ai I është drejtuar një varreze makinash për ta shitur.

Njoftimi  I policisë:

Arrestohen në flagrancë tre shtetas, autorë të dyshuar për vjedhjen e një automjeti dhe dy bizneseve.

Specialistët e Seksionit për Hetimin e Krimeve në Komisariatin e Policisë Durrës, në vijim të punës për zbardhjen e ngjarjeve edhe vënien para përgjegjësisë të autorëve, në bazë të informacioneve të siguruara nga strukturat policore, kanë bërë të mundur finalizimin me sukses të operacionit të koduar "Ndjekja", duke arrestuar në flagrancë tre shtetasit J.P, E.P dhe Q.R.

Shtetasit J.P. dhe E.P. dyshohen si autorë të vjedhjes me thyerje të dy bizneseve në Durrës.

Në bashkëpunim me njëri - tjetrin, në datë 19.01.2019, gjatë natës dyshohet se kanë vjedhur me thyerje një biznes (bulmetore) ku kanë marrë një sasi parash si edhe kanë tentuar të vjedhin një tjetër biznes tregtar (dyqan mishi).

Shtetasi Q.R. dyshohet se ka vjedhur një mjet tip Benz ku në cilësinë e provës materiale u sekuestrua mjeti, në momentin që shtetasi do ta shiste në një pikë varreza makinash.

Materialet i kaluan Prokurorisë së Rrethit Gjyqësor Durrës për veprime të mëtejshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...