PS po merr vendimet për zgjedhjet, zbulohet emri kush do të garojë në Durrës - Bota Sot
PS po merr vendimet për zgjedhjet, zbulohet emri kush do të garojë në Durrës

Durrësi

PS po merr vendimet për zgjedhjet, zbulohet emri kush do të garojë në Durrës

Më: 11 maj 2019 Në ora: 10:53
Edi Rama

Kryeministri Edi Rama ka mbledhur prej orës 9 kryesinë e PS-së për të vendosur emrat e kandidatëve për kryetarë bashkie.

Ai u konsultua dje, për më shumë se 4 orë, me të deleguarit për secilin qark. Bashkia e Durrësit, Dibrës, Vorës e Shijakut duket kanë qenë më të vështirat për socialistët.

Për bashkinë e Durrësit mësohet se në garë nuk do të jetë më Vangjush Dako, por drejtorja e drejtorisë së Tatimeve në Durrës, Valbona Sako.

Kjo kandidaturë është caktuar në orët e vona të ditës së djeshme, ndërsa pritet që të bëhet sot edhe zyrtarizmi i saj nga mbledhja e kryesisë së Partisë Socialiste.

Po gjatë kësaj të shtune, Kryesia e PS do të caktojë të gjithë emrat e kandidatëve për 61 bashkitë e vendit edhe pse opozita vijon bindjen e saj se nuk do të zhvillohen zgjedhje me 30 qershor.

Po dje, kryeministri Rama vendosi pezullimin e procedurave të tenderave nga ana e kryetarëve të bashkive nga 1 deri më 30 qershor. Po ashtu punonjësve të administratës u ndalohet pjesëmarrja në fushatë, ndryshe do të shkarkohen.

Këshilli i Ministrave ka miratuar ngritjen e një Task-Force që do të drejtohet nga zëvendëskryeministri Erjon Braçe për marrjen e masave dhe monitorimin e veprimtarisë, sjelljes apo përdorimit të burimeve njerëzore, financiare dhe logjistike të administratës shtetërore, gjatë procesit zgjedhor për zgjedhjet vendore për vitin 2019.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...