Policia kufitare e Durrësit ka bllokuar dy motorrë uji sepse rrezikonin jetën e plazhistëve, duke kryer manovra të rrezikshme brenda perimetrit të sigurisë.
Policia bën me dije se bllokimi i tyre është bërë pas ankesave të pushuesve, ndërsa drejtuesit e tyre shtetasit S. Xh. dhe S. J. janë ndëshkuar me gjobë, vlera e së cilës shkon 100 mijë lekë të reja secili.
“Policia e Shtetit fton qytetarët që të denoncojnë çdo rast të paligjshmërisë në numrin 112 duke iu garantuar reagim të shpejtë, profesional e të paanshëm”,- thuhet në njoftim.
