Deti “vrapon” drejt tokës. Rruga e Bishtit të Pallës në Durrës po shembet - Bota Sot
Deti “vrapon” drejt tokës. Rruga e Bishtit të Pallës në Durrës po shembet

Durrësi

Deti “vrapon” drejt tokës. Rruga e Bishtit të Pallës në Durrës po shembet

Më: 3 shtator 2019 Në ora: 11:00
Foto

Vija bregdetare e Durrësit vijon të pësojë ndryshime si pasojë e përparimit të detit drejt tokës, po dhe ndërhyrjeve pa kriter të njeriut për të përfituar terrene të reja duke u futur në det.

Gazetarja e Top Channel në Durrës, Vali Qyrfyçi raporton se në veri të qytetit bregdetar të Durrësit, brezi i rërës është ngushtuar ndjeshëm e në disa pjesë madje as nuk ekziston më. Deti ka përparuar shumë duke iu afruar rrugës automobilistike.

Në Porto Romano e Bisht Pallë, bunkerët që dikur qëndronin disa metra larg vijës së ujit, tashmë janë nën pushtetin e tij.  Si pasojë e veprimtarisë gërryese të detit, pavarësisht dallgëthyeseve të vendosura në dy krahët e saj, rruga e Bishtit të Pallës është dëmtuar e vazhdon të dëmtohet.

Aktiviteti human përmes ndërtimeve e ndërhyrjeve pa kriter, si dhe degradimi i bimësisë në zonat përreth, i kanë dhënë përparësi erozionit, i cili nëse nuk merren masat e duhura rrezikon seriozisht zhvillimin dhe të ardhmen e turizmit përgjatë brigjeve të Adriatikut.

 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...