Policia e Durrësit ka vënë në pranga një 39-vjeçar, i cili akuzohet për disa vjedhje. Në kuadër të operacionit policor të koduar "Elektronika" u arrestua shtetasi E.G.,i cili ka qenë më parë i dënuar për vjedhje të institucioneve shtetërore.
Shtetasi i mësipërm, muajt e fundit pasi ka dalë nga burgu, dyshohet si autor i 4 vjedhjeve dhe një tentative.
Vjedhjet e dokumentuara
Më datë 07.10.2019, në lagjen Nr. 6 dyshohet se në kopshtin "Met Hasa" ka vjedhur një laptop, magnetofon dhe pajisje zëri.
Më datë 05.10.2019, në lagjen Nr. 3 dyshohet se ka vjedhur zyrat e Laboratorit të Akuakulturës dhe Peshkimit në Durrës, ku ka marrë një monitor kompjuteri, GPS dhe një video projektor.
Më date 20.09.2019, më lagjen Nr. 14 në oborrin e shkollës 9-Vjeçare "Hasan Koçi" dyshohet se ka vjedhur kabllo elektrike.
Më datë 16.09.2019, në lagjen Nr. 12 dyshohet se ka vjedhur Zyrat e Njësisë Administrative.
Më datë 14.05.2019, në lagjen Nr. 6 dyshohet se ka tentuar të vjedhë në "Dispaçerinë e Sëmundjeve të Mushkërive".
Në cilësinë e provave materiale janë sekuestruar një laptop dhe qendër zëri.
Materialet i kaluan Prokurorisë së Rrethit Gjyqësor Durrës për veprime të mëtejshme.