Lëkundjet e tërmetit të fortë kanë nxjerrë në qiell të hapur shumë familje në Durrës dhe në Thumanë.
Shumë prej tyre janë akomoduar në çadra në stadiumin e qytetit bregdetar në “Niko Dovana”, ndërsa ka edhe prej atyre që tregojnë se nuk janë pajisur me çadra, por as me batanije.
Një e moshuar ka treguar për “News24” dhe “BalkanWeb”se edhe pse ka kërkuar ndihmë, ajo nuk është pajisur me çadër, ndërsa tregon edhe arsyet se pse ajo u refuzua.
“Kam që në mëngjes këtu dhe nuk kam marrë asgjë, vetëm një bidon ujë. më thonë je pa çadër. Regjistrimin e kam bërë. Djali është në Greqi dhe unë jam këtu me plakun, edhe kam edhe çupën me dy djem, vet e pesta përjashta. S’më kanë dhënë, sepse na shohin pleq. Një batanije për të fjetur nuk paska?! Plot vijnë dhe plot i shikojmë, shkojmë aty ku shpërndahen dhe më thonë: ikni ikni ju që nuk keni çadra. Nuk paska një batanije 10 mijë lekë për mua. Çfarë të bëj unë, të mbytem unë”-tha ai.
