Moti i keq në Durrës, probleme me nisjen dhe mbërritjen e trageteve - Bota Sot
Moti i keq në Durrës, probleme me nisjen dhe mbërritjen e trageteve

Durrësi

Moti i keq në Durrës, probleme me nisjen dhe mbërritjen e trageteve

Më: 21 dhjetor 2019 Në ora: 17:42
Foto ilustrim

Moti i keq që ka përfshirë gjirin e Durrësit ka shkaktuar probleme në aktivitetin portual dhe vonesa në lundrime, ndërsa deti ka arritur forcën 8 ballë. Një ditë më parë Drejtoria e Përgjithshme Detare njoftoi përkeqësimin e kushteve të motit në fundjavë.

Për pasojë, situata e krijuar gjatë ditës së shtunë ka krijuar problematika në veprimtarinë portuale, kryesisht në nisjen dhe mbërritjen e trageteve të linjës Durrës-Bari/Ankona.

Trageti i linjës Durrës – Bari (”Aurelia”), i parashikuar për t’u nisur në orën 12:00 të mesditës së sotme, është nisur në orën 15:20, për shkak të erës së fortë dhe detit të trazuar.

Në Terminalin Lindor është pezulluar përkohësisht përpunimi i dy anijeve tregtare, si pasojë e motit të keq, ndërsa anija konteinerike ‘’X Press Shannon”, ndodhet në radë, në pamundësi për t’u akostuar në kalatë për shkak të erës së fortë.

Shfaq komentet
comments powered by Disqus
Sot mund të lexoni Shfletoni kopertinat