Një nga “të fortët” e Durrësit, të cilët duhet të provojnë ligjshmërinë e pasurisë së tyre me kërkesë të Operacionit Forca e Ligjit, është Ali Lorja.
I shënjestruari i OFL, për pasurinë e dyshimtë Ali Lorja, rezulton i dënuar për veprën penale “Vrasja me paramendim”
Ai akuzohet për një vrasje të kryer në vitin 2009, e cila tronditi qytetin bregdetar.
Lorja ekzekutoi me plumb në kokë mjekun Fatmir Thaçi, në ambientet e spitalit të Durrësit, për tu dorëzuar më tej në polici bashkë me armën e krimit.
Dyshohet se ekzekutimi i mjekut u krye në gjendje të rënduar psikologjike, për shkak se Lorja dyshonte se e shoqja e cila punonte si infermiere në spital, kishte lidhje me mjekun radiolog.
Mjeku radiolog u vra në zyrën e tij nga Ali Lorja, i cili deklaroi në polici se viktima ishte përgjegjës për vetëvrasjen e bashkëshortes Liljana Lorja, dy muaj para ngjarjes.
Para se të shkrepte pistoletën ndaj tij, bazuar nga dëshmitë në vendin e ngjarjes ai i tha Thaçit, “Siç mbetën jetim fëmijët e mi, le të mbeten edhe të tutë”.
Dyshohet se bashkëshortja e Lorjes u vetëflijua, pasi i shoqi e akuzonte për tradhti me mjekun.
