Momentet kur njerëzit shfaqin anën më të mirë të tyre janë pak të rralla. Por gjeste që shfaqin natyrën njerëzore transmetojnë pozitivitet dhe nxisin shpresë për ngjarje edhe më të mira mes nesh.
I tillë është veprimi i një të riu nga Durrësi i cili, teksa ishte duke nxjerrë makinën nga parkingu gërvishti një makinë tjetër të parkuar.
Pas kësaj ka dalë nga makina, ka parë gërvishtjen dhe kur ka kuptuar që pronari i makinës tjetër nuk ishte aty, ai ka marrë një letër, ka shkruar numrin e telefonit dhe e ka lënë mbi xham.
Vetëm pak minuta më pas ka ardhur pronarja e makinës së gërvishtur, e cila nuk ka kërkuar asgjë nga i riu, por thjesht ka vlerësuar gjestin e tij. Ngjarja është treguar nga një dëshmitar në vendngjarje.
