Po vijnë emigrantët/ Fluks në portin e Durrësit për festa

Durrësi

Po vijnë emigrantët/ Fluks në portin e Durrësit për festa

Më: 21 dhjetor 2021 Në ora: 12:20
Foto ilustrim

Kur viti 2021 ka nisur numërimin mbrapsht, në portin detar të Durrësit ka nisur fluksi i udhëtarëve.

Emigrantë të shumtë po mbërrijnë këto ditë në port, për të udhëtuar më pas drejt qyteteve të ndryshme ku ndodhen familjet e tyre. Festat e fundvitit janë një arsye më shumë për të qenë bashkë, pavarësisht pandemisë dhe kufizimeve të saj.

“Këtë vit kemi vendosur të vijmë me familjen. Është pak më mirë se vitin e kaluar.”

“Bashkë, të gjithë bashkë.”

“Te familja këtu, se kam prindërit.”

“Për festa. Vaksinën e kemi bërë. Green pass e kemi marrë. Jemi në rregull.”

“Do vij tek familja ime.”

Përveç tyre, festat e fundvitit do të gjejnë pranë familjes dhe mjaft qytetarë që për arsye të ndryshme kanë udhëtuar jashtë vendit.

“Unë isha për hall, e operuar aty.”

“Nga Franca. Vajtëm me pushime, turistë. Kemi dhe fëmijët.”

Pyetje: A do ju vijnë fëmijët për festa?

“S’e besoj, janë pa karta. Shkuam ne. Shumë mirë. Shtet i mirë. Na priti, na përcolli.”

Pas festave, ndryshimet e hërepashershme të masave kufizuese në vendet ku jetojnë i bëjnë të paqartë për atë që i pret në kthim.

“Nuk e di.”

“Si të vendoset. Ndryshojnë masat. A do të kemi a jo me qëndru në karantinë?! Si të jetë. Jetojmë në Zvicër.”

Është fundviti dhe atmosfera e festat sjellin gjithnjë shpresë, gëzim dhe një urim për të gjithë.”

“Gëzuar Vitin e Ri! Qoftë vit i mbarë!”

“Gëzuar! Mbarë e mirë!”

“Gëzuar e për shumë vjet të gjithë shquptarëve. Shpresojmë ta kalojmë sa më shpejt këtë situatë.”

“Gëzuar festat e mbarësi të ketë populli shqiptar!”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat