Mashtrime me transaksionet financiare në “Call Center”, dy të arrestuar në Durrës

Durrësi

Mashtrime me transaksionet financiare në “Call Center”, dy të arrestuar në Durrës

Më: 9 shkurt 2022 Në ora: 09:22
Foto nga vendi i ngjarjes

Dy shtetas janë arrestuar në Durrës, pasi janë kapur duke kryer mashtrime dhe transaksione financiare, duke përfituar shuma të konsiderueshme parash, nën mbulimin e aktivitetit si call center.

Të ndaluarit janë F. L., 26 vjeç dhe D. B., 42 vjeç, të dy banues në Durrës.

Arrestimi i tyre u bë pasi në bashkëpunim me njëri-tjetrin dhe me persona të tjerë, nëpërmjet platformave të ndryshme elektronike, kryenin mashtrime dhe transaksione financiare, duke përfituar shuma të konsiderueshme parash, nën mbulimin e aktivitetit si call center.

Vijon puna për identifikimin dhe kapjen e personave të tjerë të përfshirë në këtë aktivitet kriminal.

Materialet i kaluan Prokurorisë së Rrethit Gjyqësor Durrës, për veprime të mëtejshme, për veprat penale “Mashtrim kompjuterik”, “Ushtrimi pa licencë i veprimtarive financiare”, “Fshehja e të ardhurave” dhe “Pastrim i produkteve të veprës penale”.

commentFirst article
Sot mund të lexoni Shfletoni kopertinat