Zgjedhjet për kryetarin e PD-së në Durrës, kush janë 3 kandidatët

Durrësi

Zgjedhjet për kryetarin e PD-së në Durrës, kush janë 3 kandidatët

Më: 21 prill 2022 Në ora: 19:37
Ilustrim

Ditën e shtunë do të zhvillohen zgjedhjet për kryetarin e PD në Durrës. Zgjedhjet do të jenë sipas parimit një anëtar një votë.

Kandidatët për Kryetar dege të PD-së në Durrës janë: Igli Cara, Ardian Muka dhe Osman Stafa.

Të tre emrat e propozuar nga radhët e demokratëve janë të njohur për qytetin dhe kanë qenë pjesë aktive e jetës politike të Durrësit përgjatë viteve. Të tre kandidatët e kanë konfirmuar pjesëmarrjen e tyre në garë përmes postime në facebook ose prononcimeve në media ku edhe janë shprehur në lidhje me situatën politike në vend përgjatë viteve të fundit.

Igli Cara, i cili më parë ka qenë Kryetar i PD në Durrës si dhe deputet në parlament ka vendosur të kandidojë për një pozicion të cilin e ka mbajtur para disa vitesh.

Nga ana tjetër Ardian Muka duket se do të vijojë garën por këtë herë jo për të zënë postin e Kryetarit të Bashkisë, por për të qenë kreu i demokratëve të Durrësit.

E përballë tyre është edhe Osman Stafa i cili gjithashtu ka qenë kryetar i Partisë Demokratike në qytetin e  Durrësit dhe ish punonjës i policisë tatimore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat