Gara e fortë në Durrës, zgjidhet kryetari i degës së PD-së

Durrësi

Gara e fortë në Durrës, zgjidhet kryetari i degës së PD-së

Më: 23 prill 2022 Në ora: 21:35
Durrës

Ish-deputeti Igli Cara është zgjidhur në krye të demokratëve të Durrësit.

Në total, në zgjedhjet e Durrësit votuan 1,995 votues, nga këto 1143 vota shkuan për Igli Carën, 603 për Ardian Mukën dhe 217 për Osman Stafën.

Cara mori 57% të votave përkundrejt dy kandidatëve të tjerë Muka dhe Stafa.

Nga 14 degët e PD-së ku u mbajt zgjedhjet këtë të shtnë, gara më interesante ishte në Durrës. Stafa ka qenë më herët kryetar i degës, Cara ka qenë deputet i PD-së, ndërsa Muka ka qenë kandidat në zgjedhjet e 6 marsit.

Zgjedhjet sipas parimit një anëtar, një votë janë zhvilluar në disa nga degët e PD-së në vend, ndërsa pritet që procesi të përfundojë javën e ardhshme. Zgjedhja e kryetarëve të rinj është nismë e grupit të Rithemelimit që drejtohet nga Sali Berisha dhe që është kundërshtuar nga grupi tjetër që mbështet Enkelejd Alibeajn.

Vetë kryetari i komanduar i PD-së, Alibeaj është shprehur se në këtë mënyrë, Berisha po e thellon përçarjen në PD dhe nuk po kontribuon në bashkimin e partisë, ashtu sikurse ish-kryeministri pretendon.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat