Qëlloi me kallashnikov drejt fqinjit, arrestohet 56-vjeçari në Durrës

Durrësi

Qëlloi me kallashnikov drejt fqinjit, arrestohet 56-vjeçari në Durrës

Më: 5 shtator 2022 Në ora: 19:16
Foto ilustrim

Një 56-vjeçar që qëlloi me armë zjarri drejt fqinjit të tij, fatmirësisht pa e lënduar, është arrestuar këtë të hënë në Durrës.

Sipas policisë, shtetasi me iniciale L.P. dyshohet se ka tentuar të vrasë komshiun në lagjen numër 5 të qytetit bregdetar.

Fqinji ka arritur të largohet nga vendngjarja, duke i shpëtuar plumbave.

“L.P gjatë një konflikti të çastit, dyshohet se ka qëlluar me armë zjarri kallashnikov në drejtim të fqinjit të tij, shtetasit K. J., 40 vjeç, i cili gjatë të shtënave, ka arritur të largohet me automjet dhe si pasojë është dëmtuar vetëm automjeti i tij nga të shtënat”, njofton policia.

Nuk dihet si ka nisur konflikti mes fqinjëve, nëse ka qenë sherr për motive të dobëta apo konflikti që ka nisur prej kohësh. I dyshuari është vënë në pranga ndërkohë që arma e zjarrit tip kallashnikov dhe 2 krëhëra me fishekë luftarakë janë sekuestruar në cilësinë e provave materiale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat