Policia e Durrësit ka vënë në pranga tre persona, të akuzuar për vjedhje banesash.
Të arrestuarit janë shtetasit Ilir Gjolena 40-vjeç, Marjus Jorgo 21 vjeç dhe Bledar Jorgo 25 vjeç banues në Durrës.
Gjolena akuzohet se para disa ditësh ka hyrë në banesën e 33-vjeçares me iniciale E.C., dhe ka vjedhur një televizor 35 dhe një sasi parash. Marjus Jorgo dhe Bledar Jorgo janë arrestuar pasi bashkëpunim me njëri tjetrin gjatë muajit të kaluar kanë vjedhur banesën e shtetasit R. D., banues në Arapaj.
Ndërkohë Marjus Jorgo akuzohet edhe për një tjetër vjedhje lagjen Nr. 13 Durrës. Ai dyshohet të ketë vjedhur banesën e 43- vjeçarit A. I.
Ndaj të ndaluarve materialet i kaluan Prokurorisë së Durrësit për veprën penale “Vjedhje e kryer në bashkëpunim”.
