Një ngjarje e rëndë ka ndodhur ditën e djeshme në Shijak, ku një persona ka goditur me sëpatë një 52-vjeçar.
Nga se bëhet e ditur nga policia, ngjarja ka ndodhur rreth orës ora 19:30, në Likesh, Shijak, pas një konflikti për motive të dobëta, 74-vjeçari Ahmet Norja ka plagosur me sëpatë, A.Ç. 52 vjeç, banues në Likesh, Shijak.
Për pasojë, i dëmtuari ndodhet në Spitalin Rajonal të Durrësit nën kujdesin e mjekëve.
Në cilësinë e provës material, policia i ka sekuestruar mjetin e kryerjes së veprës penale, sëpatë, ndërsa policia ka prangosur 74-vjeçarin.
Në lidhje me ngjarjen, policia thotë se materialet i kanë kaluar Prokurorisë së Rrethit Gjyqësor Durrës për veprime të mëtejshme për veprën penale "Plagosja e rëndë me dashje".