Taksisti tregon tmerrin e grabitjes: Më dhunuan dhe më pas më futën në bagazhin e makinës - Bota Sot
Taksisti tregon tmerrin e grabitjes: Më dhunuan dhe më pas më futën në bagazhin e makinës

Durrësi

Taksisti tregon tmerrin e grabitjes: Më dhunuan dhe më pas më futën në bagazhin e makinës

Më: 26 dhjetor 2017 Në ora: 15:40
Taksi

U nis nga Durrësi për të dërguar dy të rinj me taksi për në qytetin e Vlorës, e dhunojnë dhe i marrin automjetin gjatë rrugës.

Viktima e kësaj ngjarjeje është taksisti Bujar Elezi, i cili ka përjetuar një natë tmerri, ku sipas deklarimeve të tij dy autorët e kanë futur me dhunë brenda në bagazhin e makinës për rreth 30 minuta.

Ngjarja ka ndodhur rreth orës 03:00 të mëngjesit të së dielës në aksin rrugor Levan-Vlorë.

Ka qenë vetë shoferi i taksisë, 48-vjeçari Elezi, i cili i ka telefonuar policisë dhe e ka lajmëruar për atë që kishte ndodhur.

Pasi është nisur nga Durrësi, rreth orës 12:00 të mbrëmjes, bashkë me dy të rinjtë, pasagjerët janë treguar të sjellshëm deri në momentin kur kanë mbërritur pranë autostradës Levan-Vlorë. Pikërisht në këtë segment, të rinjtë kanë ushtruar dhunë fizike mbi taksistin duke e futur më pas në bagazhin e automjetit të tij.

Më pas, një prej autorëve ka marrë drejtimin e taksisë dhe kanë udhëtuar drejt fshatit Bunavi dhe Kërkovë.

Pasi kanë ndaluar makinën, autorët e kanë nxjerrë nga bagazhi dhe pasi kanë ushtruar sërish dhunë fizike mbi të, janë larguar duke i marrë makinën.

I mbetur në mes të rrugës, Elezi ka kërkuar ndihmën e policisë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test