Fluks i madh të sëmurësh në spitalin e Durrësit, pacientë të shtrirë edhe në korridor - Bota Sot
Fluks i madh të sëmurësh në spitalin e Durrësit, pacientë të shtrirë edhe në korridor

Durrësi

Fluks i madh të sëmurësh në spitalin e Durrësit, pacientë të shtrirë edhe në korridor

Më: 18 mars 2018 Në ora: 12:06
Durrës

Vazhdon të jetë i lartë fluksi i pacientëve që i drejtohen urgjencës së spitalit rajonal të Durrësit për të marrë ndihmën e parë nga bluzat e bardha.

Virozat e stinës, problemet me hipertensionin apo sëmundjet kardiovaskulare janë rastet më të shpeshta që paraqesin pacientët në urgjencë.

Fotot që kanë mbërritur në redaksinë e DurrësLajm janë realizuar paraditen e sotme dhe dëshmojnë se për shkak të fluksit të lartë të pacientëve, disa prej tyre janë shtruar edhe në korridor, ku u jepet ndihma e parë nga stafi i bluzave të bardha. Dhomat e urgjencës janë të gjitha plot, ndërkohë që shtretër janë vendosur edhe në korridor për shkak të mungesës së hapësirës për t’i sistemuar të gjithë në ambiente më të përshtatshme.

Pacientëve u duhet të presin më shumë se një orë për t’u vizituar nga mjeku, pasi fluksi i madh e bën të pamundur për mjekët roje t’u shërbejnë në kohë rekord të sëmurëve me patologji të ndryshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test