Me gjithë vërejtjet për përmbajtjen, Komisioni për zhvillim ekonomik ka votuar statutin e Trepçës.
Ministri i Zhvillimit Ekonomik (MZhE), Valdrin Lluka ka thënë se draft-statuti do të jetë i ndryshueshëm në mënyrë që t’i përshtatet zhvillimit të kësaj ndërmarrje.
Deputetët kanë pasur pyetje për ministrin edhe për sa i përket aseteve të kësaj ndërmarrje.
Deputeti i PDK-së Memli Krasniqi, ka thënë se ky ligj nuk është ideali, por optimali.
Ndërsa, deputeti Glauk Konjufca, ka thënë se në këtë statut janë disa probleme elementare. Ai ka thanë se ka frikë që janë nxituar për ta votuar këtë statut.
