Kualifikohet investitori i parë strategjik - Bota Sot
Kualifikohet investitori i parë strategjik

Ekonomi

Kualifikohet investitori i parë strategjik

Më: 5 shkurt 2019 Në ora: 17:04
Ilustrim

Qeveria e Kosovës ka vendosur sot që kompanisë gjermano-izraelite “Sowi Kosova” t’i japë statutin e investuesit strategjik në energjinë e ripërtërirë me erë, në vlerë prej 169 milionë euro.

Ky është investitori strategjik i parë i kualifikuar në bazë të ligjeve që ka Kosova, e këtë kryeministri i vendit Ramush Haradinaj e ka konsideruar si lajm të mirë.

Haradinaj: Është kualifikuar investitori i parë strategjik

“Është kualifikuar investitori i parë strategjik, është një kompani gjermano-izraelite dhe është investim i energjisë me erë, një investim mbi 160 milionë. Një lajm i mirë për Kosovën, lajmi është edhe më i mirë sepse ka kompani të tjera që janë në proces të kualifikimit, pas investimit që e kemi në Contour Global, e që është termocentrale që është investimi më i madh, 1 miliardë e 300 milionë, e ky është investimi i dytë më i madh. Vërtet, sot është një lajm i gëzueshëm me gjithë sfidat e tjera që i kemi si vend, lajm i mirë për ekonominë, për ne, për investitorët do të jetë një lajm i mirë që fakti më në fund ka të kualifikuar një investitor strategjik në Kosovë, në bazë të ligjeve që i kemi akorduar”, tha ai. 

Në mbledhjen e sotme, Qeveria e Kosovës ka ndarë nga rezervat e shtetit 50 mijë euro për Aritë Sylejmanin, e cila ka nevojë për shërim jashtë vendit.

Gjithashtu, Ekzekutivi ka miratuar edhe propozim-vendimin për të kërkuar nga presidenti Hashim Thaçi dhënien e autorizimit ministrit të Punëve të Brendshme për nënshkrimin e marrëveshjes ndërmjet Qeverisë së Kosovës dhe Këshillit të Ministrave të Shqipërisë për heqjen graduale të kontrolleve në kufirin e përbashkët.

Ndër të tjera, qeveria ka votuar në favor të nismës për aderim të Kosovës në Komisionin Ndërkombëtar për Persona të Zhdukur.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...