OAK nënshkruan memorandum bashkëpunimi me Klubin Slloven të Bizneseve - Bota Sot
OAK nënshkruan memorandum bashkëpunimi me Klubin Slloven të Bizneseve

Ekonomi

OAK nënshkruan memorandum bashkëpunimi me Klubin Slloven të Bizneseve

Më: 12 shkurt 2019 Në ora: 15:27
Pamje nga marrëveshja

Oda e Afarizmit të Kosovës (OAK) ka nënshkruar sot një memorandum bashkëpunimi me Klubin Slloven të Bizneseve (KSB), me qëllim të shkëmbimit të përvojave dhe për të siguruar qasje sistematike ndaj problemeve të identifikuara gjatë aktiviteteve të përbashkëta për ndikim në politikë-bërje.

Pjesë e këtij memorandumi janë edhe vendimmarrjet që ndërlidhet me qëllimet kryesore të të dyja palëve, si dhe ngritja e nivelit të bashkëpunimit reciprok për promovimin dhe përkrahjen zhvillimit të përgjithshëm ekonomik dhe social. 

Kryetari i Bordit të Odës së Afarizmit të Kosovës, Skënder Krasniqi, tha se OAK është e fokusuar në shërbimet e bizneseve, rrjetëzimin, identifikimin e problemeve të bizneseve, të cilat janë të shumta, deri tek alternativat e zgjidhjes së tyre. 

Ndërsa, Bajram Fusha nga Klubi Slloven i Bizneseve, vlerësoi rëndësinë e  bashkëpunimit për krijimin e partneritetit në mes bizneseve kosovare dhe atyre sllovene, si dhe organizimin e takimeve. 

Ndryshe, me anë të këtij memorandumi, anëtarët e OAK-së dhe Klubit Slloven do të kenë mundësi shumë të mëdha komunikimi dhe rrjetëzimi ndërmjet vete.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...