Ministri i Zhvillimit Ekonomik, Valdrin Lluka, përmes një postimi në rrjetin social Facebook, ka reaguar për rastin e anëtarit të bordit të Telekomit, Ejup Osmani, i cili i ka punësuar katër familjarë të tij në Telekom, përcjell “Bota sot”.
Lluka ka thënë se nëse është e vërtetë se Osmani ka punësuar brenda një muaji 4 fëmijët e tij në Telekom, ai do të shkarkohet.
Postimi i plotë:
Ne sot kemi kërkuar të vërtetohet kjo informatë dhe nëse del të jetë ashtu, si ministër i linjës do të kërkoj menjëherë shkarkimin e anëtarit të bordit në mbledhjen e ardhshme të qeverisë. Nepotizmi dhe ushtrimi i ndikimit në punësim janë vepra të patolerueshme. Praktika të tilla janë në kundërshtim me ligjin për ndërmarrjet publike dhe ligjin e punës.