Udhëzimet administrative, bizneset kërcënojnë me protesta dhe bllokada të rrugëve - Bota Sot
Udhëzimet administrative, bizneset kërcënojnë me protesta dhe bllokada të rrugëve

Ekonomi

Udhëzimet administrative, bizneset kërcënojnë me protesta dhe bllokada të rrugëve

Më: 11 mars 2019 Në ora: 14:05
Foto ilustrim

Me qëllim të prezantimit të aktiviteteve të ndërmarra nga Oda e Afarizmit të Kosovës (OAK) për sektorin Minerar dhe koordinimin për hapat e mëtutjeshëm, OAK organizoi takim të përbashkët me bizneset e këtij sektori.

Hysni Zogaj, drejtori i bordit, theksoi se OAK deri më tani ka organizuar më së shumti takime të përbashkëta.

Disa ndër aktivitetet që OAK ka ndërmarrë me qëllim të shfuqizimit të udhëzimeve administrative dhe ndryshimin e Ligjit për Miniera dhe Minerale që po dëmtojnë këtë sektor janë takimi me ministrin e Bujqësisë, Pylltarisë dhe Zhvillimit Rural, kërkesa për shfuqizim të udhëzimeve administrative drejtuar kryeministrit Ramush Haradinaj, zëvendëskryeministrit Fatmir Limaj, ish-ministrit të Bujqësisë Nenad Rikalo dhe ministrit për Zhvillim Ekonomik Valdrin Lluka dhe të tjera.

OAK ka disa vite që ka kërkuar të shfuqizohet udhëzimi administrativ Nr.10/2010, Neni 4 paragrafi 13.7 dhe paragrafi 13.8 të cilat kufizojnë kontratat e shfrytëzimit të tokave në 5 vite dhe 5 ha, si dhe shfuqizimi i udhëzimit administrativ MA – Nr 12/2005 paragrafi 1.b i nenit 8 që obligon bizneset të paguajnë për shfrytëzim të pyjeve dhe tokës pyjore për destinime tjera, ku vlera e shtimit vjetor të masës drunore për 25 vjet për pyjet cungishte dhe 60 vjet për pyje trungishte pa e shfrytëzuar atë pjesë.

Po ashtu kërkohet edhe shfuqizimi i udhëzimit administrativ  MA-Nr.16/2007 Neni 1 paragrafi 7 që obligon bizneset të paguajnë taksë 0.20€ për vit për ndërtim të përkohshëm, si dhe vendimi për ndalimin e përkohshëm  të ndërrimit të pasurisë së paluajtshme të MBPZHR,  i datës 20/07/2010.

Në fund të këtij takimi të pranishmit u dakorduan që të dorëzojnë edhe një herë peticionin dhe kërkesat te kryeministri Ramush Haradinaj dhe ministrja e re e Bujqësisë Dijana Zhiviq, duke iu lënë një hapësirë kohore prej 15 ditësh që të bëjnë shfuqizimin e udhëzimeve administrative, në të kundërtën bizneset paralajmërojnë protesta deri në bllokada të rrugëve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...