Nga nesër pritet t’i marrin pagat të gjithë punëtorët e “Trepçës” - Bota Sot
Nga nesër pritet t’i marrin pagat të gjithë punëtorët e “Trepçës”

Ekonomi

Nga nesër pritet t’i marrin pagat të gjithë punëtorët e “Trepçës”

Më: 17 mars 2019 Në ora: 11:21
Trepça

Deri më tani vetëm punëtorët e Minierës me Flotacion në Stan Tërg i kanë marrë pagat e muajit të kaluar por jo edhe ata të njësive tjera biznesore në “Trepçë”.

Lajmin e ka bërë me dije kryetari i Sindikatës së “Trepçës”, Shyqyri Sadiku.

“Më 14 mars kemi nënshkruar me ministrin e Zhvillimit Ekonomik z. Lluka një marrëveshje me të cilën ‘Trepça’ përfiton si tërësi rreth 5 milionë euro, një pjesë e tyre është për subvencione me transfero, kurse pjesa tjetër është për investime kapitale, por që për shkak të procedurave ende nuk kanë ra në linjën e ‘Trepçës’ Shoqëri Aksionare”, ka thenë Syla.

Ai ka thënë se janë në pritje dhe siç thotë ai, deri të hënën do të përfundojë kjo çështje.

“Ne jemi në pritje dhe besoj se të hënën do të përfundojë kjo çështje dhe mandej bëhet pagesa edhe për punëtorët e njësive tjera për muajin e kaluar. Mirëpo, kjo ndarje që ka ndodhur vetëm për Minierat me Flotacion në Stan Tërg ka qenë veprim i menaxhmetit i pakonsultuar me Bordin dhe i kanë bërë pagesat për aq sa ka pasur mjete në dispozicione, pasi nuk ka pasur mjetet për pagesat e punëtorët të njësive tjera, pra pagesa për ta ëshët bërë  prej mjeteve të prodhimit. Më së largu të hënën ose të martën do të bëhet shpërndarja e të gjitha pagave”, tha ai.

Kryetari i Sindikatës së punëtorëve në “Trepçë”, Shyqyri Sadiku, ka thënë se vetëm punëtorët e Minierës së Stan Tërgut i kanë marrë pagat deri më tani kurse të gjithë punëtorët e njësive tjera akoma s’i kanë marrë. “Punëtorët e ‘Trepçës’ akoma nuk i kanë marrë pagat në tërësi, pasi që të premten u janë dhënë pagat vetëm punëtorëve të Minierës së Stan Tergut, ndërsa të gjitha njësitë tjera duke përfshirë edhe Minierën e Artanës dhe Kishnicës, nuk i kanë marrë pagat. Ne nuk i dimë arsyet se pse është bërë kjo ndarje, kur dihet që është nënshkruar marrëveshja në mes të Ministrisë së Zhvillimit Ekonomik dhe kryesuesit të Bordit për subvencionim të ‘Trepçës’ dhe është bërë alokimi i mjeteve nga buxheti i Republikës së Kosovës diku rreth 5 milionë euro. Ne Sindikata e ‘Trepçës’ e kundërshtojmë këtë ndarje në mënyrë të padrejtë që dikujt t’i jepet paga e dikujt jo. Nuk ka ndonjë arsye që të bëhen këto ndarje. Në të gjithë jemi punëtorë të ‘Trepçës’ dhe duhet të trajtohemi në mënyrë të barabartë”, ka thënë për “Epoknë e re” Sadiku.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...