Ministri i Tregtisë dhe Industrisë Endrit Shala, së bashku me kryetarin e Komunës së Vushtrrisë, Xhafer Tahiri përuruan nisjen e punimeve në zonën ekonomike në Lumadh të Vushtrrisë.
Ministri Shala në një postim në facebook ka shkruar se, ministria e Tregtisë dhe Industrisë do të investojë 1.3 milionë euro në këtë projekt, iu krijuar kushte përmes hapësirave të mjaftueshme fizike dhe lehtësirave konkrete synojmë rritjen e prodhimit vendor, hapjen e vendeve të reja të punës dhe zhvillimin ekonomik të vendit.
Postimi i plotë:
Bashkë me kryetarin e Komunës së Vushtrrisë, Xhafer Tahiri përuruam nisjen e punimeve në zonën ekonomike në Lumadh të Vushtrrisë. Ministria e Tregtisë dhe Industrisë do të investojë 1.3 milionë euro në këtë projekt. Ne po vazhdojmë të punojmë në dy segmente, në përmirësimin e infrastrukturës ligjore dhe po bëjmë hulumtime konkrete për të sjell kompani të mëdha që ta investojnë kapitalin e tyre në Kosovë, duke dërguar ofertat tona. Po ashtu po krijojmë kushte fizike për bizneset vendore dhe ndërkombëtare në mënyrë që aktivitetet e tyre t’i kenë sa më të lehta dhe në kushte sa më të mira. Duke iu krijuar kushte përmes hapësirave të mjaftueshme fizike dhe lehtësirave konkrete synojmë rritjen e prodhimit vendor, hapjen e vendeve të reja të punës dhe zhvillimin ekonomik të vendit. E.SH
