BERZH dhe Oda Amerikane diskutojnë mundësitë e mbështetjes së sektorit privat - Bota Sot
BERZH dhe Oda Amerikane diskutojnë mundësitë e mbështetjes së sektorit privat

Ekonomi

BERZH dhe Oda Amerikane diskutojnë mundësitë e mbështetjes së sektorit privat

Më: 3 korrik 2019 Në ora: 12:16
Tryeza e organizuar nga Oda Ekonomike Amerikane në Kosovë

Mbështetja e sektorit privat përmes financimit të projekteve të ndryshme nga Banka Evropiane për Rindërtim dhe Zhvillim është më se i nevojshëm për zhvillim të qëndrueshëm ekonomik në vend si dhe tërheqje të investimeve të huaja direkte.

Kjo u tha gjatë tryezës së organizuar nga Oda Ekonomike Amerikane në Kosovë me Udhëheqësin e Bankës Evropiane për Rindërtim dhe Zhvillim për Kosovë, Neil Taylor.

Drejtori Ekzekutiv i Odës Amerikane, Arian Zeka, tha se BERZH ofron mundësi të mira të financimit për sektorin privat, duke shtuar se portfolio e investimeve në vend është rritur përgjatë viteve.

Zeka shtoi se Oda Amerikane do të donte të shihte rritje të pjesëmarrjes së sektorit privat në portfolion e investimeve të BERZH që momentalisht nuk shkon mbi 30%.

Udhëheqësi i BERZH për Kosovë, Neil Taylor, tha se mbështetja ndaj sektorit privat përmes financimit të projekteve të ndryshme nga BERZH dhe këshillimit mbetet një ndër prioritetet kryesore të BERZH në misionin e saj në Kosovë, duke përmendur se deri tani janë investuar 322 milionë euro në vend gjatë viteve paraprake dhe kanë mbështetur mbi 800 ndërmarrje përmes këshillimit të biznesit.

Taylor tha se ndër shqetësimet kryesore të BERZH në tërheqjen e investimeve të huaja direkte në vend mbesin sundimi i dobët i ligjit, duke përmendur edhe nivelin e korrupsionit, ekonominë joformale, etj.

Mes të tjerash, ai përmendi disa nga investimet e kësaj banke në Kosovë duke përfshirë një numër të sektorëve të ndryshëm si energji, fuqizimin e grave ndërmarrëse, e shumë të tjera.

Më tutje, bizneset e pranishme patën rastin të diskutojnë fusha të ndryshme ku investimet nga BERZH do të mund të ndihmonin në zhvillimin e tyre si në ekonominë digjitale, ndërtimtari, etj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...