Reformat ekonomike konsiderohen të nevojshme dhe të rëndësishme - Bota Sot
Reformat ekonomike konsiderohen të nevojshme dhe të rëndësishme

Ekonomi

Reformat ekonomike konsiderohen të nevojshme dhe të rëndësishme

Më: 9 korrik 2019 Në ora: 11:00
Foto

​Është bërë lansimi i procesit për përgatitjen e programit të reformave në Ekonomi 2020-2022.

Reformat ekonomike në Kosovë u konsideruan si të nevojshme dhe shumë të rëndësishme, por u kërkua që të ruhet stabiliteti marko-financiar.

Ministri i Financave, Bedri Hamza tha se hartimi i Programit për Reforma në Ekonomi 2020-2022 është shumë i rëndësishëm, por theksoi se reformat duhet të zbatohen në praktik dhe se zbatimi i tyre nuk duhet të prek stabilitetin marko-financiar.

“Sfidë kryesore është demonstrimi se zbatimi i reformave nuk prek stabilitetin makro-financiar”, tha ai

Hamza mes tjerash kërkoi dhe zbatim të reformave dhe jo vetëm ofrimin e prioriteteve dhe jo zbatim të tyre.

Këtë lansim e përkrahi dhe udhëheqësja e Zyrës së BE-së në Kosovë Nataliya Apostolova, e cila tha se ky proces i reformave evropiane shërben për të përfituar shumë projekte për qytetarët e Kosovës.

Apostolova kërkoi zbatim dhe përkushtim politik të këtyre reformave.

“Kosova duhet t’i ketë prioritet rregullat fiskale dhe ngritjen e mbikëqyrjes së ndërmarrjeve publike”, tha ajo.

Ndërkaq, nga Departamenti për Politika Makrofinanciare dhe bashkëpunim financiar ndërkombëtar, Behxhet Haliti duke folur për procesin e reformave tha se është shumë me rëndësi që struktura organizative që do të udhëheq këtë proces të bëjnë detyrën e duhur.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...