Ministri në detyrë i Tregtisë dhe Industrisë, Endrit Shala, ka reaguar ndaj lajmit për anulimin e Udhëzimit Administrativ i cili do të obligon pikat e shitjes së karburanteve të naftës që të bëjnë pastrimin e rezervuarëve çdo 3 vite.
Në reagimin e Shalës thuhet se ky lajm është i pavërtetë.
Postimi i plotë i Ministrit të MTI-së:
Të dashur qytetarë, të nderuar konsumator, po qarkullojnë disa lajme që Udhëzimi Administrativ 06/2019 i cili do të obligon pikat e shitjes së karburanteve të naftës që të bëjnë pastrimin e rezervuarëve çdo 3 vite, udhëzim ky të cilin e kam nënshkruar para disa javëve, është anuluar nga Zyra e Kryeministrit.
Një lajm i tillë është i pavërtet.
Një gjë e tillë ligjërisht është e pamundur që të ndodhë, dhe nuk do të ndodhë!
Prioritet i imi i përhershëm është dhe do të mbetet mbrojtja e konsumatorit dhe cilësia e produkteve që tregtohen në tregun e brendshëm të Republikës së Kosovës.
E.SH