Edhe sot është protestuar në kryeqytet kundër vendimit për rritjen e çmimit të sigurimeve të automjeteve.
Në protestën e mbajtur para BQK-së kanë marrë pjesë një numër i vogël qytetarësh.
Protesta është është organizuar nga anëtarët e grupit “Speedomaniaks”, të cilët kanë shprehur pakënaqësitë e tyre me disa pankarata në të cilat shkruhej “Ofertë: Kemi rritje të Sigurimeve dhe zbritje të rrogave”, “1 rrogë=sigurimi i veturës”.
Arlind Ramadani nga “SpeedomaniaKs”, tha se një vendim i tillë e rëndon situatën ekonomike në vend, duke marrë për bazë që Kosova është një ndër vendet më të varfra në rajon.
Protestë për të njëjtën çështje u mbajt edhe gjatë ditës së djeshme para objektit të BQK-së.
Pakënaqësitë e qytetarëve kanë të bëjn me vendimin e BQK-së për rritjen për 26 përqind të çmimit të sigurimit të veturave.