Ministri i Financave dhe Transfereve, Besnik Bislimi, ka pritur sot në takim ambasadorin e Hungarisë në Kosovë, Laszlo Markusz, të cilin e falënderoi për përkrahjen e Kosovës nga shteti Hungarez.
Gjatë takimit, ministri e njoftoi ambasadorin për prioritet e Qeverisë Kurti dhe adresimin e sfidave në fushën e rritjes ekonomike si dhe përmirësimin e sistemit të ujit si një ndër prioritetet e Qeverisë në ngritjen e mirëqenies së qytetarëve të vendit.
Ndërsa, ambasadori hungarez, Laszlo Markusz, e uroi Ministrin Bislimi për detyrën e re dhe shprehu gatishmërinë e tij dhe të shtetit Hungarez për ta mbështetur Kosovën në rrugën e saj të zhvillimit ekonomik dhe në rritjen e bashkëpunimit ndërmjet dy vendeve.